“B’din l-ebusija ta’ rasek u n-nuqqas ta’ ndiema f’qalbek, inti qiegħed tiġma’ għalik innifsek il-korla, għal jum il-korla, meta Alla għad jirrivela l-ġudizzju rett tiegħu, u jħallas lil kulħadd skont ma jkun għamel:
jagħti l-ħajja ta’ dejjem lil dawk li jipperseveraw sal-aħħar fl-għemil it-tajjeb, u jkunu fittxew il-glorja u l-ġieħ u l-ħajja li ma tintemmx, imma jerfa’ l-korla u l-qilla għal dawk li ma jridu jisimgħu b’xejn, u 𝐣𝐢𝐫𝐯𝐞𝐥𝐥𝐚𝐰 𝐤𝐨𝐧𝐭𝐫𝐚 𝐥-𝐯𝐞𝐫𝐢𝐭𝐚̀ biex imbagħad joqogħdu għall-ħażen.
Tbatija u dwejjaq għal kull ruħ ta’ bniedem li jagħmel il-ħażen, l-ewwel għal-Lhud, u mbagħad għall-Griegi; glorja u ġieħ u sliem għal kull min jagħmel it-tajjeb, l-ewwel għal-Lhud, u mbagħad għall-Griegi. Għax Alla ma jħarisx lejn l-uċuħ!”
Rumani 2:5-11