Is-setgħa li jgawdi l-Papa llum inkisbet bil-mod il-mod matul l-istorja.
Fir-raba seklu, l-imperatur Kostantinu, u oħrajn warajh, eżaltaw l-isqfijiet b’ħafna unuri. L-ogħla unur kisbuh l-isqfijiet ta’ Ruma, Kostantinopli, Lixandra, Antijokja u Ġerusalemm.
Diversi isqfijiet ta’ Ruma, fosthom Ljun I u Girgor il-Kbir stinkaw kemm felħu biex ikabbru l-prestigju tagħhom u tal-knisja ta’ Ruma.
It-taqtigħa ewlenija kienet bejn l-isqfijiet taż-żewġ bliet ewlenin tal-imperu, Ruma u Kostantinopli. Il-firda u l-pika bejniethom baqgħu jiżdiedu sakemm seħħet firda: il-Knisja Kattolika Rumana u l-Knisja Ortodossa Griega.
Il-patrijarka ta’ Kostantinopli Ġwanni IV assuma għalih innifsu t-titlu ta’ ‘Isqof Universali’ fl-588AD. Girgor I (Patrijarka ta’ Ruma bejn 590-604AD) ċanfru għall-kburija tiegħu.
L-imperatur Phocas uża l-poter tiegħu biex jitrasferixxi 𝘁-𝘁𝗶𝘁𝗹𝘂 “𝗜𝘀𝗾𝗼𝗳 𝗨𝗻𝗶𝘃𝗲𝗿𝘀𝗮𝗹𝗶” jew ‘papa’ mingħand Ġwanni IV għal għand 𝗕𝗼𝗻𝗮𝗳𝗶𝘇𝗷𝘂 𝗜𝗜𝗜, fis-sena 606AD, li sa dan it-tant kien leħaq Patrijarka ta’ Ruma.
Dan it-titlu għadu jintiret mill-mexxejja tal-knisja ta’ Ruma. Konna nkunu obbligati nissottomettu ruħna għall-papa, li kieku t-titlu “Isqof Universali” ngħatalu minn Kristu.
Il-fatti juru mod ieħor.