Il-profeziji li jinstabu fil-Bibbja jkomplu juruna kemm il-Bibbja huwa verament ktieb ispirat, frott ta’ ħidma sopranaturali, u li ta min joqgħod fuqu.
Josephus (kittieb storiku, imma mhux ispirat) jikteb li meta Alessandru l-Kbir (sultan Grieg) daħal Ġerusalemm, intlaqa’ mill-qassis il-kbir. Il-qassis il-kbir urieħ il-ktieb ta’ Danjel, fejn madwar 200 sena qabel kienet inkitbet il-profezija li tgħid li sultan Grieg se jirbaħ l-imperu Medo-Persjan.
Alessandru għaraf li din kienet profezija dwaru u mpresjona ruħu. Kien għalhekk li tratta lill-Lhud b’mod tajjeb.