Danjel Kapitlu 5 jispiċċa bil-qtil tas-sultan Babiloniż Beltassar.
Ir-rakkont dwar kif il-Medo-Persjani rebħu lill-Babilonja huwa wieħed ferm interessanti:
Il-Babilonja kellha swar għoljin u massivi. Kittieba tal-qedem iddeskrivew swar li kienu twal 14-il mil fuq l-erba’ naħat tal-belt u li laħqu għoli ta’ aktar minn 300 pied. Iżda s-sur ma kienx l-unika forma ta’ difiża.
Ix-xmara Ewfrat (Euphrates) kienet iddawwar il-belt, u kienet tagħmel foss perfett.
Din il-kombinazzjoni ta’ swar u foss dehret li tagħmel il-belt inkonkwistabbli. Wieħed seta’ biss jidħol ġol-belt minn pont levabbli (drawbridge).
Billi għarfu li l-Medo-Persjani kienu ġejjin għalihom, il-Babiloniżi għalqu lilhom infushom ġol-belt tal-Babilonja, fejn kienu ħażnu provvisti għal ħafna snin bi tħejjija għal dan l-attakk.
Ċiru fassal pjan.
Ċiru iddevja l-passaġġ tal-ilma tax-xmara Ewfrat billi ħaffer kanal li bih wassal l-ilma tax-xmara għal post ieħor. Hekk is-suldati setgħu jidħlu l-belt tal-Babilonja mill-passaġġ tax-xmara, hekk kif l-ilma sar baxx biżżejjed minħabba d-‘diversion’ li kien ħoloq Ċiru.
Hekk seħħ dak li ħabbar Ġeremija: “𝑖𝑛𝑛𝑖𝑥𝑥𝑒𝑓 𝑖𝑙-𝑏𝑎ħ𝑎𝑟 𝑡𝑎𝑔ħℎ𝑎” Ġer 51:36
Dan kollu seħħ waqt li l-Babiloniżi kienu aljenati bl-iffestiġġjar, u ma kellhom l-ebda idea x’kien qed jiġri. Setgħu ddefendew il-belt, imma minflok kienu qed jieklu u jiskru. Hekk seħħ ukoll dak li ħabbar il-profeta Ġeremija snin qabel: “𝑀𝑒𝑡𝑎 𝑗𝑘𝑢𝑛𝑢 𝑓𝑖𝑠-𝑠ħ𝑎𝑛𝑎 𝑛ħ𝑒𝑗𝑗𝑖𝑙ℎ𝑜𝑚 𝑓𝑒𝑠𝑡𝑎, 𝑖𝑛𝑠𝑎𝑘𝑘𝑎𝑟ℎ𝑜𝑚 𝑠𝑎𝑘𝑒𝑚𝑚 𝑗𝑖𝑠𝑡𝑜𝑟𝑑𝑢” Ġer 51:39
Għalhekk il-Babiloniżi kienu sorpriżi meta sabu lill-Medo-Persjani fil-belt.
Hekk intrebħet il-Babilonja mill-Medo-Persjani kif profetizzat.